مزن المحبه | ||
مزن المحبه مابدا برقه ايلوح
لن المحبه ودها من يثابر
ان جيتني حياك وان رحت مسموح
لكن ترا ماني مثل ما انت خابر
جزاك يوم اني من الحب مجروح
وارخصت لك عمري ولاني بكابر
ياللي عطيتك صدق الايام والروح
عساك تقالك من الناس عابر
عابر تحبه حب (مجنون) ويروح
يروح ويعدك من اهل المقابر
لافارقك ماينفعك صادق البوح
ولاينفك دمع ٍ على الخد عابر
تبكي بكى (هين) على اخوه وينوح
حتى ولو انك حفيد الاكابر
وتقول هذا اللي كتبلي على اللوح
والله يعين اللي على الهم صابر
| ||