الا يالله
 | ||
الا يالله ياللي لا اله الا انت يامعبود
بعد كثرت مطاليبي ماغيرك من يسددها
صبرنا والجروح اللي مضت يالله عسى ماتعود
وعسى الله يكتب الخيره من الدنيا ومواردها
الا يعالم الاحوال واللي بالصدر موجود
تفرج للهموم اللي لها سنينن ٍ نجاهدها
يقولون العرب مالك من اهداف الشعر مقصود
سوالفك القديمه قامت العالم ترددها
وانا اقول الشعر ماهو يعالم بالفكر محدود
صدور ٍ تسعد بشعري وصدور اكيد ينكدها
عسى ربي يخليهم ويبقيهم عيال العود
في نهج اللي على العليا ودرب العز وردها
رعاك الله ياعبد ٍ صبور والليالي سود
ثمان سنين ماهي شهور تتعب من يكابدها
رعاك الله ياجزل العطايا والكرم والجود
ليا شفناه متعافي هي اللحضات واسعدها
| ||
ركني الهادي يحمل اعذب القصايد من شوارد الافكار وبوح الخاطر عسى ان ينال على اعجابكم..... عبدالرحيم سعد اليابسي المطيري