مرثية ابو ياسر | ||
اليوم مع جمع الاهل والمحبين
ودعت من يصعب عليه وداعه
ودعت ابو ياسر بعد عام وشهرين
يشكي التعب لله صبر ٍ وطاعه
والدمع ماتقوا على رده العين
والقلب من فرقاه زاد إلتياعه
ماودي اجدد على جرح غالين
بالشعر وقلوب الاوادم ولاعه
ترى القضا مكتوب عمره من سنين
ولاعندنا في حكم ربي استطاعه
راح الذي ياعين دايم تودين
راح الكريم الشهم رمز الشجاعه
الخلق والتقدير والمذهب الزين
وحسن النبا والطيب تلقى طباعه
مسكنه في دار ٍ لها الخلق راجين ف
في جنة الخالق حفيظ الوداعه
وحنا على دربه من الله ماشين
فرقى الاهل واصحابنا والجماعه
| ||
ركني الهادي يحمل اعذب القصايد من شوارد الافكار وبوح الخاطر عسى ان ينال على اعجابكم..... عبدالرحيم سعد اليابسي المطيري